補習風潮下 | 補習陷阱 | 點解揀我？

說補習或教學是我的專業，我自覺當之無愧。但他日若然某些原因未能繼續補下去，我另一專業一定是當補習中介，哈哈，我對補習這個現象太了解吧。

補習這個市場確是變化萬千。時代變遷下，連鎖補習社的名星效應於九十年代瘋狂襲來，怎料廿年後已是全新景象。當年我跟已半退休的爸爸媽媽頭頂著太陽，到處派發宣傳單張，路人當面查詢及報名；時至今日的互聯網世代，在扭曲的補習風氣下，網上各平台花招盡出，網絡世界裏，狀元彷彿比比皆是，大多無從考究，一度令我陷入做好 marketing 還是做好 teaching 的兩難困局；然後一波疫情，補習風潮暫緩，當然自己收生亦受影響，但慶幸的是，早於疫情前已捕捉大趨勢，開辦了網上課程，故不致於被疫情弄得焦頭爛額 (雖然也白交了足足一年的租金)。意外收獲卻是，網上課程雖然留不住部份學生 (始終每人適應上堂的方式不同)，但留得住的大多是學習態度正面、積極上堂的學生。面對著坊間林林總總的「特價賣大包」、「買一送二(科)」、「不成功不收費 (瘦身廣告？但時間成本呢？)」... 等等的吸客花招，正當煩惱著如何做好 marketing 等門面功夫，這班沒有被疫情擊倒的學生 (以及於業界艱難時期下不少舊生仍推薦新生) 讓我發覺做好自己的教學 (deliver what you've got) 才是最關鍵最耐看。

話扯得太遠了，說回補習陷阱。任何市場百花齊放沒什麼不對，不同的服務或產品自然能夠互補不足，消費者亦可選其所需，但在「咩(人/科)都揾補習」和「以訛傳訛」的風氣下，個人認為以下想法不必過份追捧：

(1) 聽人講某某神技好勁！我想學完去考好 DSE！  

(2) 聽人講某某有好多筆記 (或叫「天書」)，好多野可以學！  

(3) 聽人講上某某堂好輕鬆好舒服？  

(以下摘自早前 IG 貼文)

🎈(1) 神技係咪真係好神？定係學完無咩用？  

數理科有神技，我唔出奇。作為 9A 狀元，我求其 Pure Maths 舊制或者小學 (真係小學已經夠抽) 奧數訓練度抽條 Proven Formula 套用而家 DSE Maths，應該所有 #dsers 都覺得好神。其實，好的補習老師重點唔係「佢有幾神」或者「神技有幾勁」，而係佢能否清晰講解 what / when/ where 去用呢條「神技」。  

英文呢類長遠投資的科目更加唔例外，俾你接觸哂全港名師的神技，但如果老師無將複雜嘅概念簡化，深入淺出，其實都係無用，你只係「接觸」左神技，你無「學懂」。  

順帶一提，如果你周圍補下唔同人，唔難發現所有神技都好接近，只係用唔同 fancy names 去包裝，所以我從來唔會叫自己多年歸納嘅 knowledge / skills 做神技。講真個個都有嘅神技，咁個「神」都幾癈！  

所以，每當有學生查詢課程，問我會唔會有神技，放心，我實有應試技巧 skills 教，不過唔係咩 catchy names 去包裝，總之「神」嘅應該係我深入淺出嘅講解以及組織，唔係 skills / formula 本身。  

[廣告時間]   

你睇我讀港大精算，就知我本身係理科人，唔係一出世就沉浸英文環境/聽英文音樂大/識同鬼佬吹水。我當年見住英文小學出黎嘅人 F1 就一嘴流利英文除左超級羡慕，就係秒明到從小 immersion learning 的重要 (所以先拍左我 YouTube 第一段教學心得的片，110% 經驗之談，呼籲大家及早學英文，呢度不重覆了，有興趣記得去 https://www.youtube.com/psjournal )。我仲記得，我由中文小學轉去英文中學，第一年超辛苦，聽唔明老師的英文，俾佢地串下鬧下，最後忍唔住自己剔起心肝揾方法催促英文，所以我深明如果想中學階段 boost English 應該點做，我的課程都唔似部份導師咁淨係得 F4-F6 DSE 課程。因為如果你問我點改善英文，我實答：the earlier the better，所以我的課程基本上包含整個中學，我好樂意跟住大家由 F1 讀到 F6。唔少學生揾我補，無論 F1/F3/F5 開始，基本上 >95% 都會同我捱到去 DSE (阿媽逼你補的例外，哈)。  

加上，可能因為係理科出身 (我數學物理超強喔)，我鍾意用理科思維解釋複雜概念，一定要一步一步黎，唔好飛 steps，學生解得明先有動力去學更多同埋應用，寫的字又工整 (自誇下)，學生重温筆記時好難唔明。好多補緊的學生都俾 feedback 我，最鍾我解釋直接平實，唔轉彎抹角，when/where/why 用呢招等等 (要死背的我會叫你死背，唔會呃你學英文好輕鬆)。  

Skill 其實唔應該過份追求，英文呢科學左明左但識唔識應用仲要睇你本身英文底子。所以我課程 (除左自選課題班有得淨揀 Skill) 全都是 Core + Skill，唔會側重 Skill Only。  

🎈(2) 份筆記厚到成本書 = 好？  

大型補習社嘅話，大家都知份筆記有幾厚，實際講過嘅野又係幾少，最後成本天書 ~90% 都係淪為「請自行閉關練功」。每年由其他補習社過黎的學生成日同我埋怨，當時明明報嘅係某補習社的「速讀」課程，但點知份筆記仲厚過本 textbook，「速讀」不了。其實，話哂全職教書左 >13 年，教書最緊要係令到學生明白果樣野，如果用一兩頁就解釋哂，就無謂迫人睇一兩百頁。當然，vocab book 我係唔介意大家寫幾厚，因為讀書打工基本上終身受用，Missey 由 F1 的vocab book寫到而家，閒閒地都超過十萬廿萬字，但我唔會 share 俾你地，因為 vocab book 係要老師引導或篩選過詞彙然後自己理解完再寫低先有意思。如果成本天書咁塞俾你，一係你過目不忘，一係你嫌錢多想買本字典。  

[廣告時間]   

我學生都知，我筆記一向行環保風格 (唔係特登，但抽絲剝繭確係我強項)，哈哈，言簡意賅為主；同埋，我堂上成日都講，學英文拎高分的皇道不在乎你背左幾多入腦，而係你應用到幾多出黎 (show 到俾考官睇)。  

🎈(3) 我想輕鬆上堂啊！每堂做功課，不了！

雖然話無理由貼錢買難受，但學習不是消費，是投資，是一生的投資。

Well, learning is never easy, at least not when you have a target of 5/5*/5** in your mind.  

[廣告時間]   

如果有補習老師話學英文好輕鬆，一係佢 IQ 200，一係佢 marketing 緊 (不必過份認真)，一係佢係邪教黎！  

🔥🔥🔥   

又新一年，英文仲係無進步？    

⚠️ 網上試堂，免費架，識做啦？DM 我！   

⚠️ 學生 2 個月 Mock Lvl 4 🚀 DSE 5**   

⚠️ > 95% 學生續報率！