狀元係由細「叻」到大？#個人經驗 #與家長對話

最近有好幾位家長查詢課程時問及學習之道等等，我發現原來好多家長都以為狀元一定係由細到大都咁叻仔叻女，講英文 lak lak 聲。睇黎我係異類 👽，哈哈。大家可以睇番下圖的激情對話，有幾個 takeaway 我覺得憑我 10+ 年教學經驗同埋 9A 的狀元學歷都算有資格分享一下，希望幫倒仍然喺學習旅程掙扎中的家長/學生，岩使的歡迎 happy share：⁣⁣⁣

⁣⁣⁣

1️⃣ 小學同中學真係兩樣野！！！⁣⁣⁣

無論係考核方式定係教學目標，小學同中學係截然不同。小學考的淺白直接，好多時候靠死背或者死操就容易拎到高分。最明顯的例子係操公文數，小學生肯操公文數，成績唔會差得去邊，但去到中學成績可以即時大倒退。點解？唔係公文數的問題，係學生操數的心態。中學的知識比較深奧，好多時候死操死背頂盡頭一年幫倒你，但 keep 住呢個心態唔改變，第二年去到更艱深的科目只會見真章。根據我自己同埋身邊朋友仔的觀察，小學頭幾名的去到中學唔代表 keep 住叻仔，甚至有些可能跌落下游考唔上大學。始終中學係另一個模式，係另一個更接近現實的縮影，係另一個全新玩法的戰場 ⚔️。⁣

⁣⁣⁣

加上，中學生活多姿多彩喎！有人會選擇停留喺「小學我 (個女/個仔) 明明好勁架喎」自我安慰 (或自欺欺人) 的諗法；有人會追求突破發掘讀書以外的才華；有人會誤結損友並且享樂主義至上 ... 總之，你小學表現或者係先天決定，但中學打後就好睇自己。⁣⁣⁣

⁣⁣⁣

2️⃣ 中一二係黃金學習階段！！！⁣⁣⁣

雖然話小學成績唔係好代表咩，但絶對唔係幾遲發力都得。👩🏻‍🏫 Missey 總結番黎的結論係，黃金學習階段有三期：小學前 (即係 0 - 5 歲，不過 Missey 我完全無記憶，應該錯過左 ...)、中一中二 (Missey慶幸自己把握到)、中五中六 (在適當的學習壓力下)。

唔係話其他時間唔使學習，但中一中二係我見過最多學生 (包括自己) 能夠做到我地宣傳所講的「進步神速」，無論背 Vocab 定係接受新知識定係改變讀書心態，速度都可以好快 (當然學壞學歪都係好快)！如果你仲係黃金學習階段，恭喜你，請你好好把握；如果你已經錯過，請你要比人更加倍努力，否則去到另一戰場 👉🏻 大學 👈🏻 就更難追上差距。⁣⁣⁣

⁣⁣⁣

🌟 想更了解 Missey 或我的讀書心得，可以去我 Blog 找更多文章。

⁣⁣⁣

以上係 Missey 與新報名的家長激情對話後引申的少少諗法，希望幫倒莘莘學子 😉🙏🏻！⁣⁣⁣

⁣⁣⁣

[人人際遇不一，絕對不是一言堂，如有雷同或不同，歡迎留言磋商！⁣]⁣⁣

⁣⁣⁣

⁣⁣

--- 個人簡介 ---⁣⁣⁣⁣

⁣⁣⁣⁣

熱報中 ⚠️免費試堂⚠️： ⁣⁣⁣⁣⁣⁣⁣⁣⁣⁣        ⁣⁣⁣⁣⁣⁣⁣

🔥 F1-F6 Eng Regular 常規課程 🔥⁣⁣⁣⁣⁣⁣⁣

⁣⁣⁣⁣

𝕄𝕤 ℙ𝕣𝕚𝕤𝕔𝕚𝕝𝕝𝕒⁣⁣⁣⁣⁣ ⁣⁣⁣⁣⁣⁣⁣⁣ ⁣⁣⁣⁣

港大精算近滿分畢業⁣⁣⁣⁣⁣

香港中學會考 9A (全科) 狀元  ⁣⁣

英華女學校⁣⁣⁣

WhatsApp 65855004 ⁣⁣

⁣⁣

👑👑👑